Femoralis iactus.
Si ad invicem accessistis, dextra pedem praefigas, sinistrum vero adversarii itidem sinistro exterius praeponas. Inde dextra eius brachium sinistrum corripito exterius, sinistra autem hostem medium circundabis. Verum si is te pari modo fuerit complexus, et praecipitare cupierit, retrorsum te in libram dabis. Inde dextram collo ipsius circuminiicias retrorsum, sinistra vero humerum dextrum adprehendas. At si adversarius te eadem ratione corripuerit, libraeque habitu usus similiter fuerit, tum dextram hostis cubito sinistro removeas, eamque eius collo applices, et eum supprimas humum versus.
