Ensium coniunctio iuxta manus cum gladii impulsu
Cum mutuo fueritis congressi, et utrique ictus supernos ferire desistis, invicemque gladios iuxta manus coniungere cupiatis, dextro praefixo consistas, laevo consequitor, et brevi avie ensis tua contingas eius manum utramque, deorsum fortiter eas deprimito. Sin autem dextrum praeposueris, et sic contra adversarium constiteris, atque curve te contigerit manibus, tum dextrum referias retrorsum, et subleva pro capite tui capulum ensis, ita ut mucro retrorsum propendeat. Nec non acriter superne ferias contra adversarium. Eo autem id excipiente, tum inflectas in transversarium et dupliciter ferias contra eius latus sinistrum. Cum vero adversarius eodem modo lateris tuo nuditatem adpetat, tum ictu incurvo eum avertes, interimque crure dextro consequutus, incisione caput eius aggredere. Sed si is animadverterit, averteritque tunc pede laevo ad latus eius dextrum procedito, et dupliciter contra adversarium ferito.
