seinnem rechten Elenpogen vnnd stoß seinnen rechten Arm mit deiiner rechten hannd wol vber deinnen Linncken Arm vnnd trit hinder In vnnd hallt In allso veest hastů In nit geworffen so begreÿff sein recht pain hinder dem knie vnnd wirff Inn
Ein güte Leer
Item hastu ainnen Vnnder dich geworffen so schneid oder reÿß ain groß stůckh aůß seinnem wappenrockh vnd stich Im Inn das Visier mit den dolchen vnnd laß Im das nit angewinnen das ist gůt wann Es kotig oder staůbig ist wirff Im das Visuer vikker staůbs oder gemůlbs oder stich erden aůß mit dem dolchen vnnd wirff Im das Inn dz gesticht
Aber ain Leer
Item merckh magstů kain plossůng gesechen so schneif Im aůß dem wappenrockh aůf den Armen oder die hosen vnnd was dů stichst vonn nestlen das schneid aůf da sindstů etwas das dir gůt wirt vnnd sich gar even aůf sein dolchen das er dir damit nit schade
