Schweche vornen am kin · aine vornen am Hals · aine hinder baiden Elnpogen · aine vornen beÿ der faůst · aine in der mitt des Arms · vnnd Inn Jeder Kniepůge aine · das send allso die Sechs Schwechen des mentschen · das ain geiebter aůß ainem vortail Inn den anndern kan kůmen Vnnd daraůß arbaiten nach seiner glegenhait ·
Wa · nůn ainer Diser oberzelten Sechs Schwechen nit bericht ist · wirt er nit vil aůssrichten · so er sůnst ainem sein fůrnemen aůß disen sechs Schwechen Kůnstlich brechen kan · Dise Sechs schwechen send an der rechten vnnd lincken seiten zů sůchen · an ainem Jeden mentschen · /
