Arbait aus dem sibenden stand ist der pflueg mit dem nach
Das erst So dw steest in dem pflueg mit deinem rechten fues vor vnd er will von seiner lincken seitten auf dich mit seinem swert lauffen mit schlag oder stich So gee schlecht auf vnd setz Im ab trit zw krieg etc Also gat es auch so er laufft von seiner rechten seitten mit dem absetzen krieg etc
Das ander So dw steest wie vor in dem pflueg vnd er sitzt dir mit der twir auf von seiner lincken auf dein swert so pleib an seinem swert und er oben zw dir arbaiten will so pleib an seinem swert vnd gee mit Im auff in den krieg etc
Also thue auch so er mit der twir dir auf sitzt von seiner rechten seitten Treib durchwechsl ob dw wilt wann er auf sitzen wolt oder zuck in dem durchwechseln vnd mach ain straich ym zw seiner seitten nach der arbait
Das dritt So dw steest wie vor vnd er will von seiner
