durch vorñ vber sein rechte hant vnd ruck ym mit dem knopf die hant vndersich vnd setz ÿm an ~
Aber ein stuck aus er öberñ hu°t
Merck wenn dw Im aus der oberñ hu°t zu° dem gesicht stichst Velt er dir denn mit der lincken hant zwischen deinen paiden henden mitten in dein swertz klingen So var ÿm mit dem knopf wie dw wild vnden der oder oben vber sein lincke hant vnd reiß do mit auf dein rechte seitten vnd setz Im an Merck
wie dw aus der oberñ hu°t mit dem knopf slahen solt das vindestu da hinden geschriben in dem stuck Das da spricht Des voderñ fuess mit slegen dw hutten müest
Hie merck das ist die ander hu°t mit dem kurtzen swert zw champf mit irñ stuckñ vnd ir° schickung
Das ist die ander hu°t zw champf do schick dich also mit Ste mit dem lincken fuess vor vnd halt dein swert mit der rechten hant peÿ der hanthab vnd mit der lincken greif mitten in die klingen vnd halt es neben deiner rechtñ seitten vndersich mit dem knopf gegen deinem rechten knÿe vnd das der ort vbersich ste dem mann gegen dem gesicht oder der prust
Das ist das erst stuck
Wenn dw stest in der vnderñ hu°t Stet er denn gegen dir in der oberñ vnd sticht dir zw dem gesicht oder wil dir oben an
