seitten reittest
Ob dw veriagst
vnd andanck linck iagste
Sein swert auf taste
Ring stos mit väste
Glosa Merck das ist ob dw an danck zw sein° lincken seitten muest reitten hastu denn ein swert vnd er auch eins So leg das dein auf den lincken arm~ in die hu°t haut er dir denn oben ein zw dem kopf So var auf vnd versetz mit der langen schneid das dein ort zw deiner lincken seitten stee vnd reitt an ÿn vnd begreiff ÿn mit dein° lincken hant sein rechte vnd stos yn mit dem knopf vnder das gesicht das lert die xvij figur die spricht also Jagstu linck So vall auff swertes klos stos vnder augen
Aber ein stuck
Merck wenn dw reittest zw sein° lincken seittñ so leg dein swert auff dein lincken arm~ in die hu°t haut er dir denn oben ein zw° dem kopf So vorsetzt mit der langen schneid vnd haw Im aus der vorsatzung einen freÿen oberhaw zw° dem kopf
Das ist der text vnd die glos von dern hinderñ ansetzen
Jagt man rechten
halb ker vmb wart vechtens
mit armen vahen
So mag dir kein schad nahent
Glosa Merck das ist ein ler Ob sach wer das dir ainer den ruck an gewünn oder sünst hinden an dich köm es wär mit einem spiess oder mit einem swert So merck wil er dir hÿnden setzen
