var ÿm mit dem knopf vber sein vor gesatzte hant vnd ruck do mit vndersich vñ setz ÿm an ~
Aber ein stuck
Merck wenn dw hast dein swert vber dem lincken knÿe in der hu°t Sticht er dir denn zw dem gesicht So var mit dem knopf vnden durch sein swert vnd setz ÿm do mit den stich ab für seiner lincken hant vnd setz ÿm an
Aber ein Stuck
Merck wenn dw hast dein swert vber dem lincken knÿe in der hu°t Sticht er dir denn zw dem gesicht So var vnden durch mit dem knopf vber sein swert hinder sein vor gesatzte hant vnd ruck im die hant do mit vnder sich vnd setz ÿm an
Oder ist er dir zw° starck das dw Im die hant von dem swert nicht gerucken magst ~ So wind den knopf von vnden auff aussen vber sein lincke hant vnd stos ÿn von dir vnd setz ym do mit an ~
auch soltu wissen das dw die sleg mit dem knopf nicht pas vorsetzen magst wenn aus der hu°t vom lincken knÿe Das vindestu hernach geschriben in dem stuck Das da spricht Mit seine~ schlahendem ort ~
Hie merck das ist die vierd hu°t mit dem kurtzen swert zw champf mit iren stucken vnd ir° schickung ~~
