Das ist die pest chunnst als die zw ross gesein mag das dw alle deine stuchk sold treybenn mit baidenn seytenn gegenn aller wer da mit ein man gegen dir chumbt darvmb sold tu deinen zaum also wissenn an zerichtenn das dw dein hennd frey vnd legig mügst gehabén[1] wenn dw wild vnd dennoch deines ross wol macht macht (sic) gehabenn ze lenncken auf welliche seytenn es dir lieb ist vnd wie dw mit den ledigenn. hennt<e>n die stuck treybenn sold das findest in denn glosenn
Das ist der text von dem edl<e>n schaffgriff
Der schaffgriff wart
wer sich ringens zw dir kere
als vnnder augenn
an griff jn angriff recht mit flawgenn
glosa [D]as ist der pest ringen ains zw ross vnnd haist der schaffgriff wann dw prichst damit alle ringenn da mit dich ainer vorn an greyft vnder augen hie merchk nu den schaf griff vnd treyb in also rewt denn man gleich vnder augen mit deiner rechtenn seyten an die sein greyft er dich dann vor an mit ringen so begreyff mit der tenckenn hand sein rechte vnd druck die vnder dein prust vnd far auf mit dem rechten arm dar vber vnd begreyff damit den Satelpogenn vnd leg dich mit dem leyb auch starck darauf vnd reit vor so mues er fallen
Der text aber von ringenn
wer dich anfellet
wider reytens der wirt gefellet
hangens zw der zw der (sic) erdenn
vbergreyff in mit gepärdenn
glosa Nu merck wie dw im sold prechenn vnnd vber fallenn wenn ainer mit dem anreẅtenn an dich chumbt vnd velt dich an oder begreyft dich mit ringenn hindenn oder vorn<e>[2] das solt dw prechenn mit den her nach geschribenn stuckenn der erst chumbt er mit dem anreẅtenn mit seiner rechten seytenn an dein rechte vnd felt dir mit dem arm<e> vorn vmb denn hals so vall auch also vmb den seyten vnd far mit der tencken hannd vmb in hintten vnd begreyf do mit dein rechte hand vnd ruck in mit paid<e>n fry[3] henndenn zw dir auf die seytenn
wenn er dir mit dem rechtenn arm<e> vorn vmb den hals fert so schlach den recht<e>n arm<e> obenn vber seinen rechtn vnd pegreyff do mit den satelpogen vnd begreyff mit der tenckenn hand sein rechte vnnd würff in mit dem Schaffgriff
chumbt er mit der tencken seyten an dein rechte vnd velt dir mit der tencken arm hinden vmb den hals oder helt dich mit pey deiner tencken achsel so wend dich mit dein leyb gegenn im vnd far vnd far (sic) mit dem rechten arm jn wendig auf zwischen dir vnnd im vnd truck jn mit dem tencken arm ab mit der sterchk deines rechtenn so wirstu von jm ledig
wenn er chumbt mit seiner tencken seytenn an sein rechte vnd felt dir mit dem tencken arm hinden vmb denn hals vnd ist er denn ein swacher mensch so far mit dem rechtenn arm hinder dich von vnden auf starchk vber sein tencke vnd chum mit der tencken hennt der rechten zw hilf vnd druck im sein tenck arm vast hinden in den nackenn weicht er denn mit der (sic) arm ab so begreyff mit der tencken hand sein rechte tenncke vnd würff //dem/[4] in mit // verporgenn griff
chumbt er mit seiner tenncken seyten an dein rechte vnd felt dir mit dem tencken arm<e> hinden vmb denn leyb vnd wil ringen so slach hindersich von obenn nyder mit der rechtenn hand jn auswendig in das glennck seins tencken arm vnd reẅt fur dich
Der techst von paiden seytenn
das ist das dw dich in allenn an reyten nachet zw dem man sold haltenn zw paiden seyten zw wellicher dw im pesten chömen magst also chumbst dw an sein rechte seytenn so treyb die stuchk so behendichleich die dar zue gehörn chumbst aber an sein dencke so treyb aber das dar zue hort so mag er zw chainem stuch chumenn
Der text der rechten seytenn
