·:~Wenn du hast ein swert vnd er ein glefen hat er sy dann kurtz gefast vnd stelt sich do mit In die öber hu°t So leg dein swert auf dein lincks knÿe in die hu°t Sticht er dir denn oben ein zw dem gesicht So var auf vnd versetz den stich mit dem swert fur deiner lincken hant gegen seiner rechten seitten vnd var do mit auf an sein° glefen in die öber hu°t vnd spring zw Im vnd setz ÿm an Triffstu yn dann nit recht mit dem ansatz So lass zw hant dein swert vallen vnd eÿl zw ym vnd wart der ringen
Aber ein Stuck
Wenn dw hast ein swert vnd er ein glefen Stet er denn do mit gegen dir In der vnderñ hu°t vnd hat sein glefen kurtz gevast So stee mit deine swert auch gegen ym in der vnderñ hu°t Sticht er dir denn vndñ zw° so setz den stich ab mit dem swert für deiner lincken hant vnd var ym mit dem knopf vorden vber sein rechte achsel vmb den hals vnd spring mit dem rechtñ fuess hinder sein lincken vnd ruck ÿn mit dem knopf vber dein rechtz knÿe
Das ist der text vnd die glos von der vorsatzung mit der lincken hant gegen der glefen
linck lanck von hant slach
Spring weÿsleich vnd denn vach
Ob er wil zuchen
von schaiden vach vnd drucke
Das er
