Seins chopf
oder chumbt er vor // dem mit // haw er wann dw so spring mit dem recht<e>n fues aus dem haw wol auf dein rechte seytenn mit der vorgeschriben versacz ung so fachst dw seinen haw in dein gehilcz vnd slach in mit der twier an die genanten stat zw dem hawbt
Text
[A]ber mit der sterck
dein arbart da mit merck
das ist wenn dw mit der twier slachenn wild so sold dw sy slachen mit gannczer sterck deins leybs wann mit der sterck twingstu in vnd gewingst jm do mit die plös an vnd das vernym also wenn dw im mit der twier von deiner rechtenn seyten zw slechst oder hawst verseczt er vnd pint da mit starck ann dein swert so treib das duplieren oder treyb in aus der twier mit dem gehilcz sein swert hin weck vnd slach in zu der an dernn seytenn des haubtz (sic)
wenn dw im mit der twier zw hawst verseczt er vnd pint da mit waich an dein swert so treyb das mutier<e>n jm zu der vndern pless oder far im mit deinem swert zw seiner rechtenn seytenn an den hals vnd spring mit dem rechten fuess hinder seinen dencken vnd ruck in mit dem swert dar vber
text von den twier slegen zw den plössen
[T]wier zw dem pflueg
zw dem ochsenn hart gefueg
was sich wol twiert
mit springen er dem hawbt gefert
glosa merck dw hast vor gehort wie das der ochs vnd der pflueg seind genant zwai leger oder zwo huett so seind sy gehaissenn die vier plössen der ochs das sein die ober<e>nn zwo plös die recht vnd die tenck seytenn an dem hawbt so ist der pflueg die vndern zwo plöss auch die recht vnd die tenngk seyten vntterhalb der gürtl des mannes vnd die plössen soltu mit den twerchslegenn jn einem zu fechtenn al vier pesuechen
das ist der text von dem stuck das da haist der feler
feler wer fueret
von vnden nach wunsch er rüeret
glosa der feler ist ein stuck da mit die fechter geplennt werdn vnd auch nach gerürt vnd geslag<e>n die da gern verseczenn vnd die da fechten zw dem swert vnd nicht zw denn plössenn des mans
also treyb den feler
[W]enn dw mit dem zuefechtn zw im chumbst so haw die vntterhaw mit paidenn seyttenn chumbstu dan an in mit vnterhaw von deiner recht<e>n seytenn so scheus im den ort do mit ein zw der prusst do mues er verseczenn so spring pald mit dem tencken fuess auf sein rechte seytenn vnd thue als dw in darzue mit der twier slachen wellest vnd ver zuck den haw vnd slach pald wider vmb zu der // seytenn tencken // oder chumbstu von der tencken seyten mit dem vnterhaw an in so scheus mit dem ort aber ein vnd treyb denn feler als vor von der rechten seytenn
Das ist der text von dem stuck das da haist d<er> vercherar
vercherer twinger
durchlauffer auch mit ringet
denn ellpogenn
begis nym vnd spring im in die wagen
glosa der vercherer das ist der halp haw den sold dw verdacht dar pringen mit dem zuefechtenn wann da mit zwingst dw denn man das dw in magst durchlauffen vnd recht geuassenn[1] mit ringenn
denn v<er>kerer treyb also
- ↑ gevassen
