oder blipt er mit der versatzüng nider mit den henden so begriff mit der lincke~ hant sinen rechte~ elnboge~ vnd halt vest vnd spring mit dem lincken fus fur sinen rechte~ vnd stos yn also dar vber ~~
Itm~ vnd wie du durch lauffen solt dz vindest hernoch geschreben In dem stuck dz do spricht durch lauff las hange~ mit dem knopff wiltu rangen ~ ¶feller zwiffach
Feler zwÿfach
Trifft man den schnÿdt mit macht
Zwÿfach furbas
Schreÿtt ein linck vnd bis nit las
Merck dz heist der zwiffach feller vnd tribe In also wan du mit dem zu vechte~ zu im kümpst so setz den lincke~ fus fur vnd halt din schwertt an der rechte~ achsell vnd wen du sicht dz er oben ist so spring gegem Im wul usß mit dem rechte~ fus vff din rechte site~ vnd thün als du yn mit eynen frichen zwer schlag zu siner lincke~ site~ zu sine~ kopff wollest haulben vnd verzuck den haulb vnd spring mit dem lincke~ fus zu siner rechte~ site~ wol vmb yn vnd schlag in mit der zwer zu dem kopff versetz
