oder sünst so benÿmbstu im dz vor mit dem noch dz heist vor vnd noch ~
Item du solt vor allen dingen wissen schwech vm sterck deß schwertzs dz vorste also von dem gehultz biß an die mitten dz ist die sterck von der mitten biß an dz ort ist die schwech vnd wie du noch der schwech vnd mit der sterck am schwertt arbeyten solt dz vindestu als hernach geschreben ~
¶ funff haulb lern ~
Fünff haulb leren von der
rechten hant wider dÿ were
Dan wir glauben In künsten
gern zů leren ~
Merck daz syn fünff verborgen haulb wer die mit rechter künst an schaden prechen kan der wirtt gelopt vor andern meinstern vnd ist billich dz Im siner kunst baß gelonet soll werden dan eym andern vnd wie du die heulb haulben soltt mit trihen stücken dz vindest alles hernoch geschreben ~
¶ zorn haulb / krumpt haulb
