schlag indes mit der langen schniden zu dem kopff
Item eyn ander bruch
Indes so er ab nÿmpt so dritt besitz vß dem schlag vnd arbeytt im zue nechsten bloß mit dem haulbe ~
alliud
Item wan du mit der verkerten hant vß dem zorn haulb geschlagen hast vnd er fertt vff vnd versetz dir so far also mit diner verkerten hant vff sinen rechten siten an sinen buch durch vnd wind im den rechten elnbogen vber sin vnd din schwertt vnd halt vast so hastu In beschlossen oder ruck mit diner lincken rechten siten uff din lincke vnd reiß starck hyndersich so nÿmbstu Im dz schwertt vnd din ort gat im zu dem gesichtt ~
¶ bis stercker wider windt
Bis stercker wider windt
Stich sicht ers so nÿm es nÿder
Daß ist wan du mit ym zorniglichen eyn hauest helt er dan starck wider mit dem schwertt wiltu dan oben nit ab nemen so biß wider starck vnd far vff mit den armen zu diner
