Item Eyn pruch wyder dy zucken Im hangenden ortt willer mit seynem messer zucken In dem hangenden ortt Indes so er auff fertt mit seym gehultz vnd will zucken so far mit deynem ortt starck nach seym gesicht vnd heb deyn arme hoch auff vnd laß In nicht von dem messer kummen vnd volg nach der ploß vnd seynem messer mit dem ortt etc
Item ligtt er dir Im hangenden ortt auff deyner rechten seytten vnd du ligest Im auch auff seyner rechten seytten So thu sam[1] du Im dringen wollst zu der ploß auff der selbigen seytten Indes zuck vbersich mit deym gehultz vnd messer vnd stich Im oben eyn zu der ploß seyner lincken seytten Der pruch der oben gehortt vber ditz stuck etc
- ↑ sambalde = alsbald oder sam = als (Hennig, S276)
