Gestu an were
Wirstu vberlauffen gefere
Ruck an schaden nicht kanst keren
Standt: dich frolich magst weren
Hye lertt der meyster Eyn stuck das do heysset Eyn notstuck vnd gett zu so du keyn were hast vnd wirst vberloffen vnd kanst an schaden nicht entflyhen so standt frolich so du dich weren müst vnd nicht anders geseyn mag so wendt dich gegen Im vnd stee mit deynem lincken fuß fur vnd so er danne auff dich hawett von oben nyder so tritt mit deynem rechten fuß gegen seynen rechten vnd woll beseytt auß vnd far mit gestackem woll aussen an seyn messer an dy flech außbendig vnd far Inbendigs mit deynem rechten arme vber seyn messer oder arme vnd druck den arme woll zu deym leyb vnd wendt deyn handt an seyn messer vnd fall mit deyner lincken hand an seyn gehultz oder hant vnd reyß mit deynem leyb starck auff deyn rechte seytten so nymbstu Im das messer etc
