gern end so secz allweg nit deinen rechten arm uber deinen linken sichstu daz er nit reschlich stechen wil so stich jm zu seinem arm So muß erz wern So begreiff jm seynen arm vnd wind jm jn hinder seynen ruk so fellt er vnd mag nit auff hastu einen degen vnd er einen so laz jn stechen uber sein haupt vnd stich jn mit ebicher hant uber Seinen fuß vnd ruck an dich so fellt er
vnde verso
Biß das du lintest
in dem fechten du sere hinkest
jch sag dir für war
keiner schuczt seich sic ane var
hastu dz vernomen
sozu schlag mag er kleine komen
zwei hengen werden
von peden henden auff erden
wer sich vor dir zewet abe
how schnell daz er schnabe
hawe zu den flechen
den meistern willtu sie swechen
Haw zu den pfluge
zu den nesten vngefuge
wer nach get hawen
der dorff sich ge[1] kunst […] frewen
hort vnd waß du willt
kein wechsler kum an dein schiltt
verseczens hut dich
geschicht ez sere mut dich
ist daz dir verseczt ist
slach wie ez dir komen ist
hor wi ich rate
drit ab schnel hawe mit drate
Secz an fier end
pleib dar auff wiltu enden
Sprech fenster mache
stand freilich sich sein sache
an alle vare
an zweifel wie er gepor
daz eben merk
ob dein beger sint weich oder hert
zuk zukler zuk[…] mer
er besint orbt die drit jm we
aber haw do her kump auff jn die zwer
krump schiler mit scheitler
wer uber dich hawt
zorn haw ort dem draw
+ wirt ers gewar
nyms oben ab anefar
pis fil sterker wider
wind sich sicht ers nims nider
he[…]ch den schnit oben auß
ober haupt get der krig auß
kumpt nicht kreuczhaw
durch wechsel dar mit schaw
krumpt auff mit langen
wirff den ort auff die hende
- ↑ Hard to read because the word is crossed out.
