Aber ein Ringen
Item ob dich einer bej einer hantt begriff vnd wolt dich übersich mit seinen beden henden vnd het dich gefast pei der lincken hant vnd wolt dich rucken auff sein rechte seitten so las dein rechte hant oben durch über sein lincken arm In sein rechte seitten vnd faß In ÿn der wüst mit der rechten hant vnd mit der lincken fall Im In ein kniepiegung
Aber ein ringen
Item vast dich einer vorn pej der prust mit beden henden So far oben über mit der rechten hant über sein lincke vnd zwing Im die vnd mit der lincken hant an sein rechten elenpogen vnd schrenck mit dem lincken fuß etc.
