Hannd zu sein rechte. In das glenngg unnd reib ime Umb und greif ime mit deiner rechten hannd an Seinen rechten elenbogen, und trit ine für deinem rechten fuß, so brichstu ime den arm ab unnd geet von be[i]den seiten.
In lanngen armen zurinngen.
Item Rinngstu mit ainem in lanngen armenn, so senncke dich vasst nider inn die Wag, unnd lasse ine nit unndter durch. greifft er dir dann oben nach einer zwirch. so greif ine balld nach seinem elenbog[en] unnd dauch ine von dir, unnd trit mit ainem fuß für ine. So wirfstu ine auf das Maul unnd geet von Be[i]den seitten.
Mit starcken zurinngen.
Item Rinngstu mit ainem starcken, unnd magst in kain stuck oder zwirch kommen, so brich ime auß, unnd schlag ine mit deinem ebichen arm aussen, auf seinen ewichen arm. unnden nach seinem lin[n]ggen fuße. So brichstu ine den arm ab unnd geet zu beden seitten.
Notandum.
Item Rinngstu mit ainem zu lanngen Armen,
