You are not currently logged in. Are you accessing the unsecure (http) portal? Click here to switch to the secure portal. |
Page:MS E.1939.65.354 195v.jpg
Item hebt dich ainer starck und wil dich zu dem har nit komen lasen so stos im oben nach dem maul und senck dich gechlinck (?) nider und trit mit ainem fus hinder in so wirfstu in auf den rucken unde get zu vo~ paiden seÿten
Item hebt dich ainer starck und setzt sich in die wag und wil sich nit under treten lasen so vas in beÿeinem vinger so prichstu im den vinger aus daß sol man verborgen halten und an not kainen thun
Item so dich ainer vornen umfacht und hat paid arm~ unden so greÿf im mit ainer hand in daß goler und stich in mit ainem vinger in daß den halß so mus er dich lasen und magst in dan under treten und auf den rucken werfen
Item vast dich ainer hinden peÿ dem goler und wil dich vache~ oder stechen so greÿf in mit deiner tencken hand oben auf sein hand in das glenck und reÿß ims um~b und setz im deinen rechten elen pogen oben auf sein arm~ und stos nider zu der erden so prichstu im den arm ab und get vo~ paide
Item hebt dich ainer beÿ dem goler so ker dich auf dem