Custodia cancellata contra infernam.
Die geschrenckt hut gegen der vndern
Item halt dich also mit disem stuck in dem zufechten Trit mit deinem linggen schenckel zu Im/ hinein vnd gee aus der vndern hut auff mit ainem stich Im zu seinem gesicht Sticht er/ also auf dich von vnden vnd du in der geschrenckten hut gegen Im steest mit deinem rechte fuss/ vor So trit mit deinem linggen schenckel hinein vnd im trit haw von oben seinem stich entgegn/ truck damit wol vndersich so nimbst du Im seinem stich hinwegk hawt er dann also auf/ dich vnd hat dir deinen stich abgenomen so wind mit deinem plat an seiner hellenbarte/ von deiner linggen auff sein lingge seitten so sperst du In In dem so zuck dem hellenbarte/ vnd stoss Im nach seinem gesicht oder der prust Sticht er also auf dich so nimb Im das ab/ mit deinem plat auff dein lingge seitten In des haw Im mit deinem plat zu seinem/ haubt wind dich damit zwifach von Im zurugk.
