Vorred
Es were wol recht vnnd billich Vnnd hette mich auch fu°r gu°et vnnd Ratsam angesehen · Das ich dises Ritterlich Eernbu°ch · dieweil sich Jede ku°nst · beÿ allen verstenndigen · mit gu°tem gru°nd selbs verthedingen vnnd versprechen kan · on alle vorred von mir au°ßgeen lassen · sollte · Dieweil ich aber merckh · sihe vnnd briefe · das dise manliche Ku°nst des Fechten · wie annder ku°nsten mer· so dem geliebten Vatterlannd als fu°r nu°tzlich vnnd Eerlich · den mentschen du°rch die gelerten geprisen vnd zu°lernen fu°rgestellt sein· von den Ihenigen · so au°ß fau°lkait vnnd hinlessigkait · der gu°ten tu°genden vnnd ku°nsten nicht achten · au°ch dieselben zu°lernen kain liebe noch naigu°ng nicht allain nit tragen · sonder dieselben vil mer au°ß vnwissender frechen fau°len leichtu°ertigkait · mit verachtlichen schmachworten · besu°dlen vnnd belegen ( · wie ich dann die lannge zeit · als ich dises Eernnwerckh zu°samen geordnet · selbs erfaren · vnnd solches offtermalen mit verdru°ß hab hören mu°essen · ) ~~~~~ Derhalben ich wider meinnen willen veru°rsacht vnnd bewegt worden · das ich der Edlen Ritterlichen ku°nst des Fechtens vnnd allen geliebten Eerlichen vom Adel vnnd su°nst · so sich der manlichen Ku°nst · dem Eerliebenden Vatterlannd zu Eern · nu°tz vnnd wolfart gebrau°chen · ein klaine Vorred vnnd verthedigu°ng vorher hab setzen vnnd ordnen wellen Daran mich au°ch neben annderer mu°he vnnd arbait · so ich au°f dises werckh gelegt · der vncost gar nicht betau°ren soll ungezweifleter hoffnu°ng · das dise Vorrede dem leser zu° gu°tem verstenndigem bericht raichen vnnd gedeichen werde / ·
Es haben sich die alten vnnd New°en Griechischen / Lateinischen vnnd Deu°tschen Historici · ob dem Ritterspil des Fechtens · Inn etlichen pu°ncten vnnd Articu°len Namlich au°ß was gru°nd vnnd vrsachen · au°ch zu° welcher zeit · Inn was Lannd vnnd gelegenhait vnd auch du°rch wen sie anfengcklich Jren vrspru°ng empfanngen · vnnd hergeflossen seÿe · seer vast bemu°ehet · aber Inn der vrsach vnnd Jarzal · au°ch Ort vnnd gelegenhait sie alle vast vberain stimmendt · vnnd zu°gleich bekennen Das dise Ritterliche ku°nst des Fechtens · der Ju°gent von hochen vnnd Nidern stennden zu° eernzu°cht vnnd anraitzu°ng gu°ter Mannlicher tu°gent · au°ch zu° schu°tz vnnd erhalltu°ng des Vatterlanndts · sampt aller Redlichkait Im anfanng gefu°ndiert auch die zu° lernen fu°rgenomen worden seÿ Noch werden sÿ allain Inndem · welcher der erst erfinder diser Ku°nst zu°benennen were · etwas mißhellig vnd vngleicher mainu°ng befu°nden ·
