platz vnnd ort · darauf man Fechten Ringen Kempffen vnnd annder Ritterspil üben sollt erwelt vnnd gefreiet · die den namen Palestra · von Im empfanngen · vnd des die Lateiner noch zunennen Im geprauch haben · Dennen haben nachgeuolget · die gewaltigen Stet als Athen · Argis · Sparta · Corinthon · vnnd anndere völcker mer · die ich vmb geliebter kurtze willen · zu beschreiben vnderlassen · will Nachdem aber die Ritterliche Kunst Inn Italian eingetreten · seind von den Römern gar kunstliche grosse heuser · mit vnseglichem vncosten · Reichlich erbaw°et · vnnd · Theatrum · das ist Schaw°heuser genannt worden · vnnder welchen erbaw°ungen · der Römisch Consul Staurus · welcher ein solichen kunstlichen Theatrum · der auf · 360 · Marbelstainen seulen stunde · vnnd hundert bar fechter darInnen Fechten mochten · dem Gott Jouis zu eern erbaw°et · den preis erlannget hat Inn welchen Schaw°heusern dann die Fechtmaister zu bequemblicher zeit · vnnd sonderlich an den Festtägen · darauf dann soliche übung des Ritterspils · den Go°ttern zu ehern gestifftet was · zusamen kamen · vnnd alsda Ir vbung des Fechtens Ringens lauffens · baides zu Roß vnnd fuoß hielten · Es wurden auch der vbung des Fechtens · mit so ainer Eerlichen ansehlichen züchtigen Ordnung zugesehen · das Sessiones · wohin Ieder dem Ritterspil zuzesehen . Namlich · nachdem er geadlet · oder Inn des Rats Ämbtern gewesen · sitzen sollt · gemacht vnnd geordnet wurden · dann das Römisch volckh diß Ritterspil dermassen geliebt vnnd das zulernen vnnd zubesuechen · so hoch beflissen gewesen das sÿ etwann mit so grosser anzal Inn die Theatrum · vnnd Schaw°heuser zusamen · kumen das die gemellte gebew° · unangesehen · das sie von kunst vnd sterck so fleissig gemacht · solchen last des volckhs · nicht hat ertragen mo°gen Vnnd wie Liuius schreibt das zu Fidena · ein solch haus · von wegen des grossen lasts ernider ganngen · zu boden gefallen · vnnd ob · 2000 · · Mentschen · erschlagen hab Es werden aber noch heutigstags an vil orten · solche anzaigung der verganngne vnnd zerfalne Schaw°heuser Inn Griechen · Italia vnnd Lombardia · vil gesehen vnnd Innsonders zu Rom vnd Diethrichs Bern noch heutigstags · gute anzaigung von sich geben ·
Zuuor ist gehört Wie das dise Ritterliche Kunst · der Mannlichkait · von den geleert verstenndigen auch von den Kunigen vnnd Fursten · als vorsteeher der lannden vnd Kunigreichen · selbes herfur gebracht · vnnd fundiert worden seÿ · welchs dann auß vrsachen · das Lannd vnnd Lew°t ·
