This page needs to be proofread.
Das ist ob dů mit im ringen wild so solt dů vor allen sachen wissen wie du im recht solt springen hinder seinen vorgesetzten fues vnd den selben vues solstů in mit der kůnnst vorrigeln vnd verschliessen die dir hernach verklert werden
Ein ringen
Wenn dů in an velst mit ringen vnd er dich wider so sich ob er ein vůes hat fůrgesetzt oder nicht hat er denn keinen vor so růck in zů dir oder stos in von dir so můes er fůr tretten schrait er dann vor mit dem linckn fůes so spring bald mit dem rechten fůes hinder seinen linckn vnd peůg dein rechs knie vnd drůck in domit in sein linckh knikell vnd ruck in mit paiden henden darẙber
