Heng wider also baldt,
hintertrit wider schnal.
Auff denn kopff in denn bauch,
so machst aus im ein Rechtenn gauch.
In aller arbeit vmbdrit,
das Egeuert mach mit.
Der Sechst gang hat vier stuck.
Vom tag lang durch far,
mit verwinten dich bewar.
Durchtzwirch inn gar bald,
den Plinthaw wider schnal.
Denn ort haw in sein brust,
nach allem dein lust.
In aller arbeit vmbdrit,
das Egeuert mach mit.
Hie hat die new tzetel ein enndt.
Mertenn Sibers tzeteln mit den .6. gengen, Als ers tzusamenn gesetzt hat, vonn mancherley meisters gefecht, wer die wol kann, vnnd versteht, ist wol tzu breysenn fur ein gutenn meister des lanngenn schwerts vor vil andern meisternn.
1. Jagenn vonn der brust, tzu seiner Rechten seittenn.
2. Vmbker mit dem Roß, tzeuch sein Rechte hanndt mit deiner linckenn.
3. Mit straiffenn Sattel oder nim im die wehr.
4. Setz ann hoch geschwing, durch far oder prich.
5. Das schuten furhennck [!] allenn treffenn hawenn oder stechenn.
