so var von unden auff durch seyn schwert mit deynnem knopff umb seyn hals und reyt vor dych oder went deyn ros um, so velt er etc
Item versez er den ober hau hoch, so nym den schaff griff
Item versez er den hau, und so threyb das sunen zeygenn mit dem schwert under dem kinpacken
Item hau im aber eyn v uber hau zu dem kopff; vert er hoch auff mith der versazung, so var mith deynem gehylz under seyn elbogen und mit dem rechten fus var under seyn steygk leder, und stos oben mith dem gehylz und heb unden mit dem fus, so velt er etc
Item versezt er dyr den uber hau mith der zwer, so far hoch auff mith deynner rechten hant, und heng im den ort uber seyn schwert zu dem gesycht oder zu der prust und sez im an etc
Item wen er dyr versez mith der zwer, so far hoch auff mith deynner rechten hant und far im mith dem schwert durch seynnen rechten arm, und greyff im seyn arm mit deynnem und reyt vor dych, so nimstu in das schwerth, das leret dy 4 fygura
Item dye stuck soltu threyben auff der neben huth bey dem rechten beyn etc
Wiltu gernneth
lanck jagen das ser miet,
wer das wer,
so wint das auch ser versereth,
wert er furpas,
voch den zaum und pis nicht las
Item wen du reytest mit der hut zu dem man, so stych vor dych lang aus mit gerecktem arm dem man zu dem gesycht oder der prust, so mus er versezen etc
