This page needs to be proofread.
Ob du vertzagest
Und on danckh linck Jagest
Sein schwert auff rast
Ring unnd stoß nit fast
Item merckh das Ist Ob dein Roß allso hartmeulich wer, oder das sich dein widersach gegen dir weret das du on dannckh muost zu seinner linncken seitten zu reitten, So nimb dein schwert Inn die hutt auff dien linncke hannd.
Item hawet Er dir dann oben zu dem kopff, so far uff unnd versetz mit der lanngen schneiden unnd kompst du mit der versatzung nachent an In, so far mit deinnem linckhen Arm uber sein rechte hannd, unnd truckh die fast uber sein linncken seitten, unnd stoß In mit dem knopff wa du hin wildt
