Hic observandum est, qua ratione hosti ensem extorquere liceat, pariterque ipsum hostem retinere, ut nequeat ullos habitus exercere.
Ad dextrum latus equitabis, et nuditatem hostis rimaberis ubicunque visum fuerit, ictibus et punctionibus, at si contingat ut adversarium impetum excipiat, proximeque tibi iungatur, tum dextrum ipsius brachium retro manum dextram in iunctura, sinistra manu tua inversa idem protrahas, firmiterque contineas iuxta te, verum iuxta brachium tuum sinistrum externe ipsum capulum ensis hostilis urgeas, et ea ratione reiicere ensem adversarius cogetur. Et si eius brachium, ut praescriptum est, continueris, ense tuo ferire ipsum poteris, vel ex correptione iubata prosternere pro arbitrio tuo, tum etiam hostem freno capere.
Figura
Vicesima quinta docet ensem extorquere hosti, atque captivum retinere
Observatiuncula
Si cum aliquo viribus te praestantiori concurris, ipsum eo modo inter
