wenn dw im aus der vnnderenn huet starck zw dem gesicht stichst vert er denn mit tencker verkerter hand auf vorn in dein swert so wind dein swert mit dem ortt aussenn vber sein dencke hannd In die ober huet vnd secz an
Wenn dw im zw dem gesicht starck stichst aus der vnndern huet sticht er dann mit dir geleich ein so pegreyff sein swert In der mitt mit // tencker hannd verkerter // zw deinem swert vnd halt es vest vnd far mit dem chnopf vnden durch sein swert vnd ruck vbersich mit deiner tennckenn seytenn so nymbstu Im sein swert zw deinem
Wenn dir ainer mit seiner tencken hannd begreyfft dein swert in der mit zw seinen seytenn vnd wil dir das vnden durch mit dem chnopf aus reyssenn so merck die weyl er dein swert vasst an die tennck hannd zw dem seinen so far auf in die obern huett vnnd secz im ann
wenn dw stest in der vnderenn huet vnd sticht im starck / aus dar / vndenn zw den hodenn felt er dir dann mit der tenckenn hannd in dein swert vnd dw im wider in das sein so würff sein swert aus deinen hannd vnnd begreyff das sein domit wider mitten in der chlingenn vnd wind dein ort aussen vber sein tencke hannd in die obernn huett vnnd secz im ann
wenn dw im aus der vndern huet zue stichst felt er dir dann mit tenncken hannd In dein swert vnd dw im wider in das sein so wurff dien swert mit dem chnopf fur die fueß vnd begreyff sein tencke hand mit deiner rechtenn vnd treyb denn armpruch oder stöß in mit der tenncken vorn in die prüst vnd far mit der rechtenn In sein tenncke chnyekeln so felt er
wenn dw Im stest In der vndern huet so stich im starck daraus von Inwendig zw dem gesicht verseczt er so zuck durch vnd stich im auswendig zw dem gesicht verseczt er denn furbas so trit zw Im so stos in mit dem gehilcz vnder sein denncks ṽechsenn vnd far im mit dem vodern tail des swercz vorn durch zwischenn der / pain seinen / vnd heb sein tenncks pain In der chnyekel mit dem swert vbersich auf mit der tenncken hand vnd stös in mit der rechtn obenn mit dem gehilcz vonn dier so felt err
Der tritt huet zw champf
da schick dich also mit ste mit dem tenncken fues vor vnnd halt dein swert bey der rechtenn hand bey der handhab vnd mit der tenncken greyff mitten In die ch // lingenn vnd es die twier vber dein tencks knye dar aus prich im seinen ruck mit der // versaczung [Steht nach der nächsten Zeile.]
wenn dw hast ein swert ob dem tencken knie In der huet sticht er dir dann aus der obern huet zu dem gesicht so secz den stich ab mit dem swert vor deiner tencken hand zw seiner rechtenn seytenn vnd far auf in die obern huet vnd secz // // im an [Steht nach der nächsten Zeile.]
Wen dw hast dein swert ob dem tenncken chnye jn der huet sticht er dich denn zw dem gesicht so far auf vnd versecz denn stich zwischenn deinen paiden henden In die swercz chlingen vnd far im mit dem chnopf vber sein vorgeseczte hannd vnnd ruck da mit vnndersich vnnd secz im ann
wen dw hast ein swert vber dein tenncks chnye In der huet sticht er dir dann zw dem gesicht so far mit dem chnopf vnden durch vnd secz im domit sein swert ab vor seiner tennckenn seytenn hannd vnnd secz im do mit ann
wenn dw hast ein swert vber dein tenncks chnye In der huet sticht er dir dann zw dem gesicht so far vnden durch mit dem chnopf vber sein swert hinder seiner vor gesacztenn hannd vnd ruck do mit ṽbersich vnnd secz im an oder ist er dir zw starck das dw Im die hannd von dem swertt nit geruckenn magst so wind den chnopf an seinem swertt von vnden auf ausen vber sein tenncke hannd vnd stos in vonn dir vnd // / secz im an [Steht nach der nächsten Zeile.]
auch wis das dye sleg mit dem chnopf nit pas verseczenn magst wan aus der huett vonn tennckem chnye das finst dw hinden geschribenn In dem
