schuler[1]
- Jttem Es Soll auch Einem jeder maister dar gelt so er jnn büchssen schuldig jst von dem vorbenanntten schul oder maister geltt von dem haubtman jngehalten werden als mit namen von den Schullern so Er bei seiner trew behalten mag nach außweißung des artic uls brieff vnnd was vbrig da were soll Einem jeden zu gestelt werden One alle hindernus doch alle geuerd außgeschlossen /
frihait zu Erhalten[1]
- Jttem Es soll auch Ein jeder newkomender maister 2 ß jn die Büxen geben das man die Kaiserlichen Freihait damit Erhalten moge /
- Jttem Es soll auch Ein jeder maister mit dem Newen maister Fechten vnnd Brobiern, vnnd welcher nit mit jm Ficht der soll kain thail am maistergelt vnnd Schulgelt haben /.
Erwelung d[er] maister[1]
- Jttem haben wie Einen haubtman Erwelet mit Namen hanns kaub Nestler Burger zu Franckfurt auff montag nach marie geburt anno 1544 jnn Beiwesen annderes mit Bruder mit Namen martin Daschner wolff worner von zwicken hanns Kürmburg von kreiznach jerg deierle von Niernberg jerg von erdingen, Nic[kola]us Beierbach Burger zu Franckfurt Sÿlxt von mengen, Simon Spenger von krembs, Petter Burckhart von Freiburg jn Vichtlannd gerlach kammenschlager, wöllen weber von her boren /
