Qui autem habitus ex praedictis custodijs formari debeant, in subsequentibus cognosces.
Hos subsequentes habitus ex prima custodia exerceas.
Cum uterque, quoquo modo id factum sit, hastas equestres reiecistis, priusque gladios strinxistis hoc modo te exhibeas,
ad dextrum adversarij latus equitabis, et ensem supra manum sinistram repones, et si adversarius ictu superno contra te utitur, tu ense sublato atque ictum hostilem acie longa praemissa excipito, loco ensis firmiori, qui consistit intra capulum et ensis medium, converso mucrone in latus adversarij dextrum, verum in ipso punctionis actu collum ipsius adpetito, at si is sublato ense in excipiendo impetum tuum in nihilum redigere conatur, tunc frenum disseces acie ensis tui longa, vel manum sinistram, atque inde ab hoste iuxta progreditor
Corripiendi pedis ratio
Sin autem neque frenum neque manum hostis laedere feriundo poteris tum in praetereundo pedem ipsius dextrum corripere molitor
Figura
Septima docet, ut hostem complectaris, item ferias vel pungas ipsum.
