Aber ein stůckh :
Wenn er heb vmb ein schwert kriegt / so tracht daß dů habst dein linckhe hannt hinnter seinner rechten / In seinen pint / Vnnd deinn rechte / zwischen seinr beden in seinß schwertß clinngen / so begreif in denn mit deiner linckhen hannt / hinnter seinem rechten / vnnd greif denn mit deiner rechten von vnnthen aůf vnnther sein rechten arm / -- Vnnd schreit mit deinem rechten pain hinter sein linnckhß / -- Zůcht er daß bain hinntersich / so schreit zwischen seine baide bain / -- Vnnd stoß ime dann sein arm mit der linnckhen hannt von dir / aůf dein linckhe seitn / Vnd zeůch im mit der rechten hannt / seinn rechten arm / vasst an dich / -- Vnnd ein wennig y°bersich / aůf dein rechte seitn / so felt er /
