Page:MS Thott.290.2º 045v.jpg

nim kupffer schlag und mach dar uß ain kugel in wendig hol. darnach nim ungelöschten kalch ain tail, galbani ain halb tail müsch dz galbanin mit dem kalch dar nauch nim schnegken gallen in glichem gewicht und leg dz galbanin dar in dar nach nim Cantarideß alß du wild schnid in die höpter und die flügel ab und stoß die mit glichem gewicht kecksilberß tuo eß in ain kolben vergrab eß in ainem mist vierzig tag und ender dz in dem mist ye an dem .v. tag so wirt eß alß gold den nim die kugel und bestrich si mit dem ersten stuck und laß es trucknen und wenn eß trucke wirt so bestrich si mit dem anderen ding zünd si an so erlöschet si nit wilt du si ab- löschen so nim ain stuck von ainem küsling waich dach in essich drü tag und versenck und versenck die kugel mit Im