außbendigß deyn gehulcz uber seyn rechte hand und reyß starck ubersich etc
Item begreuff seyn messer alz vor und far mit dem gehulcz ynbendigß oben uber seyn armen und reyß starck untersich auff deyn rechte seytten etc
Item greuff aber mit deyner lincken hand uber peyde messer yndeß far mit dem gehultz an seyn gehulcz und daß deyn kreucz kumb hynter daß seyn und wynd da mit gegen seyner rechten seytten und scheub mit dem fodren taill deyneß armß starck auch auff seyn rechte seytten mit gepogem armen daß der olpogen unter stee und scheub da mit fast und reyß yndeß oben nyder starck auff deyn rechte seytten etc so nymbstu ym aber daß messer Sequitur textus
Ist er daß gelenck prellen
Gleich solt wyder schnellen
