der wincker vnd spricht wiltu die meinster plu°lben daß soltu also verstan dz daß stuck recht zu gett vff eym ÿttlichem er versetz kruem oder schlechtt So hat dz stuck synen fur ganck vnd were dem stuck rechtt kan thu°n der schlecht gar viell luede ~
Item thün Im also versetzt er kruem So haulb von oben s von dyner rechten achsell oben vff sin messer eyn fryehen ober haulb vnd im haulb verwind din messer E dz eyns an dz ander glickett vnd far mit dem arm hoch vff vnd schlag Im die kuertze schnid vff syn kopff hastu In nit getroffen mit dem haulb So far mit dem ortt vff dyn lincke syten vnd stich im zu° der kellen oder bru°st oder nÿm ab vff dem messer als du dan woll weÿst ~
Sequitur vier leger soltu ab sende
Vier leger soltu ab senden
Im messer vechten wiltu gewinnen
Pastein vnd lüginßlant
Stier vnd eber frÿ dir bekant
