so far gebogen mit dinem messer vnter sin messer vnd spring zwueffach zu im als vor Indes begriff sin rechte hant mit diner mit diner [!] lincken inwendig vnd wind im die vmb vff din lincke siten an din bruest vnd far mit dinen rechten arm vnten an sinen rechten elnbogen vnd brich starck vber sich vff sin rechten
alliud
Item ste als oben geschriben stott vnd begriff sin rechte hant mit diner lincken Indes schlag din rechten arm vber sin rechten vnd heb mit diner lincken hant vff sin rechten arm vber din rechten arm vnd druck din beide arm vast zu° samen vnd schrit mit dinen lincken fus huntter sin rechten vnd wurff in also dar vber etc
Sequitur vff recht will er wencken
Vff recht wil er wencken
Vnd arm Rencken
Linck hinder linck lere springen
Die achsel recht solt dringen
