Weck dy flech grob mit doben
Stand ab: oder pleib oben
Hie sagtt der meister ein guttes stuck wider dy die nicht vechten kunnen oder wider dy pawrenstraich vnd mach das alzo haut einer auff dich mit einem grossen pawrenschlag vnd will dich ernnstlich durch den kopff hawen So halt dein messer in der schranckhutt oder pey der rechten achsel oder neben dem knye das dy spitz seines messers gegen Seinem[1] antlitz stee vnd wie du denn In eynem standt stest so magstu das stuck prauchen vnd thu Im alzo hautt er auff dich so haw auch gleich mit Im eyn zwischen messer vnd man mit der langen schneiden vnd als pald dy messer zu sammen klitzen So far Indes gegen deiner lincken seitten vmb den kopff auff dein rechte seitten mitt deynem messer vnd haw Im zu dem hals will du Im nit zu dem hals oder kopff hawen so schlag In auff den linckenarme oder In den pauch seiner lincken seitten grob vnd pewerisch das er seyn woll empfindt etc
- ↑ Der Schreiber wollte wohl erst “deinem” schreiben
