Lehren wañ du mit dem zuvechten zugangest so soltu schilchñ mit dem gsicht, ob er kurtz gegen dir ficht, das solttu beÿ dem erkennen wañ er dir zu hawt, raicht er den die arm mit dem schwertt, dem uberlauffen, so ist es aber vekürtzt er sich den gegen dir in die huet des ochsens oder des pfluegs, so ist es aber vekürtzt, auch wiss das alle winden mit dem schwertt vor dem man kurtz seind und vekürtzen das kurtz schwertt, vnd alle die also gegen dir fe[] den wechsel frölich durch aus hauwen, unnd stechen, mit dem schwert, damit zwingestu sÿ das sÿ das miessen vesetzen unnd schlagen lassen,
Schilch zu dem ort
unnd nim den hals on forcht,
das is ein bruch mit dem langen ort, mit einer betreibtnus des ge sichts den treib also, weñ du mit zufechten kumbst, stat er den unnd halt den ort geg[] dem gsicht oder brust, so halt das shwert in den rechten ochsen, unnd schilch mit dem gsich[] zu dem ort, unnd thu als du in darzu hauwen wöllest, und hauw starck aus d[] schilchr mit den kurtzen schneid an sein schwert, und scheub im den ort damit lang ein zu
Item das empfinden merk also, wan du mit dem zufechten kumbst, und einer den an[] an das schwert bindt, so solttu im dem als die schwertt zusammen glitzen zu hand vilen ob er hart oder waich seÿ, unnd dir angebunden hatt, unnd als bald das empfindst so gedenckh an das wortt, in des das du in dem selbigen empfindst behendigklich soltu arwaitten mit dem schwertt, so wirt er geschlagen, ehe er sein gwar wirt.
Item hie soltu mercken das empfinden unnd das wortt, indes eins on das ander nit mag gsein, unnd das venim also wañ du im an sein schwert bindest, so mustu mit dem wort Indes fallen waich oder hert, unnd wañ du hast gefilt, so mustu aber mit dem Indes arbaiten, also sind die sÿ alweg beÿ einander, weñ das wort Indes is allen stucken, das venim also Indes laufft durch aus dem dupplieren unnd Indes mutier Indes wechsel durch Indes lauf[] Indes nimot das schwert, Indes thutt was dein herz begert, Indes ist ein scharff wortt damit all maister des schwerts veschnitten werden rott.
Das ist der text
Naichraisen zwaifach
trift man den alten schnidt mit macht
glos merck ist das du die nachraisen solt treiben zu baiden seitten, unnd schneid auch darein bringen, unnd das venim also, wann er sich vor dir vehauwet, es seÿ von das lingken oder rechten seÿtten do hauwe im frölich nach zu der blos, fert er dann auch auff unnd bindet dir unden das schwert, so merckh als bald ein schwert an das ander glitzt so schneid im nach dem hals
