das funfft stuck ist recht allz das fird wan du jm mit dem knauff auff das swert pist komen so las den knauff zu ruck gan vnd die spiczen secz jm an den pauch mit einem vor griff
das 6 stuck ist das du kumpst mit einem oberhaw oder mit einem mittelhaw vnd pindest mit einem an das swert vnd wan dein rechtes pein vor stet so thu als ob du jnen ernstlichen vnten die augen mit einem zu drit vnd allz er dan den arm auff hept vnd wil den stich verseczen oder weg werfen[1] mit dem gehilcz So greiff mit der linken hant unter sein swert vnd begreiff jm sein peid arm vnd druk den arm fest zu dem leib vnd die spicz deines Swerts secz jm vnten an den pauch allzo das du mit deiner linken hant Sein spicz begreiffst
das 7 stuck das ist das swert nemen pint mit jm an das swert mit was haw du willt vnd das das recht pein vor sey vnd allzo pald drit zu jm vnd greiff jm jn sein gepind seins swerts mit der linken hant zwischen peid hend vnd mit knauff vnd mit dem knauff (sic) kum jm auff das swert vnd stos dz swert mit ganczen krefften von dir so nimstu jm daz hut dich aber so du jms wilt nemen das er nit hinter dein pein dret[2] vnd werff dich uber das knie vnd ist daz er dich allzo begreiff so zuck pald sein haupt vnter dein vnd mit der linken hant stoß den arm von dir
das 8 stuck das du jm fr heldest die eiseren pforten vnd wan er auff die schlahen wil mit uber hewen So far auff mit deynem swert dhu die hew fur haupt allzo[3] das du ein kreucz haw zwischen henden machst vnd das die vnterst schneid auff kum vnd jn den auff komen soltu dreten mit dem linken fuß zu schreten uber das recht pein allzo du dan merkst das er dritt so drit pald mit dem rechten fuß zu jm auß dem weg vnd schlag jn vnten oder oben wo du willt
das 9 stuck ist das du mit uberhewen an das swert pindest so drit zu im allz du jn mit foller macht wellest stosszen vnd scheuß dein swert uber sein
