- Künnst zū fechten vonn dem liennhartt Sollinger
- [Library stamp] BIBLIOTHEK • ZU WOLFENBÜTTEL •
// Vom Sollinger //
1. Bevicht von gu°ettens stu°ckhen. Ochss von dem messerfechten, Item, das Ist von der lingkh seittn
2. Item kombsts Im vechten Zum mann, stöll dein Rechtn fuss für, vnd straich von deiner linckh seitt auf und nider . ain oder dreÿmall. Wenn mitt dem mësser in dÿn huch kombst, In das trit ain wenig beseitz mit deinem rechten fueß für, vnd zuckh dem rechten an dich und dopplieren und schlag zū des dein man nach der Im aūßwendig nach seinem rechten arm und wie es von dem lingken gsicht also is es auch von der rechten
3. Item wann du von der glinkhen seitten aus straichs wie vor und wan du under kombst mit dem meßer und dir einer nachraist so zuckh dem rechten fueß an dich in des schlag in ein die lam oder in des spring mit deinen linkhen fu°eß au°f sein recht seitt und schlag in du°rch den kopf.
4. Item ob du° mit dem haw feller und er wolt du zū bloß nachraissen in des wirff in den pogen und schlag in du°rch das antlitz oder bru°st oder In des nachdem arm als inwendig.
5. Item aber aus so du fallen mit dem haw, als vor, und einer rais dir nach so bleib soll und wen er den straich fürret in des stuckh den leib mit dem haubt wol hindersich und ob er den straich volbringt, so dritt deß mit deinem rechten fu°eß für und schlag im linckh arm mit langer schneid nach dem kopf, auch besich dem nach dz du° den fu°eß nit zu° vast straikest damit er dich in nach raißu°ng nit erlanngen müg.
Von der rechten seitten.
6. Item so du vor in auff und nider hauest von deiner rechten seitten und du° ein mal oder zwir von dem man aufhauest, so haw lang ein von der achsel und so du wider aufstraicht von dem rechten seitten in das
