quarte en lestomac : mais pour ce que telles feintes mettent l’homme en danger destre blessé en mesme temps qui les met en pratique : voila pourquoy j’en fais fors peu destime, si ce n’est pour respondre aux feintes de ton adversaire.
Chap. 6
AYant mis en lumiere les quatre gardes principales, je feray voir d’autre bottes dependantes les unes des autres, ausquelz chascun se pourra addonner selon son inclination propre, puisque tous les coups, & toutes les gardes peuvent bien reussir a chacun, a toutes les occasions que peuvent survenir. Voila pourquoy lors que tu vois ton ennemy advancer son pougnart, & tenir son espee courte & retiree tu pourras faire assez de coups, toutes-fois je te veux enseigner quatre bottes les plus necessaires a mon jugement
