Chap. 2
JE veux traicter au commencement de la premiere garde selon l’orde commencé, voila pourquoy si tu es en premiere, tu mettras ton ennemy en grande terreur voiant qu’il n’aura l’assurance de te tirer, te voyant si promptement en posture pour luy porter au visage.
Mais si d’avanture il venoit resolument pour te porter une estoquade soub main, au lieu de parer avec le pougnart tu pareras avec l’espee, et secourant avec le pougnart, soudain tu luy donneras ou il se presentera descouvert, car en ceste maniere il te pourra faire une feinte sur le pougnart ou en autre lieu premedité.
Ce pendant que tu pares de ton espee, ton ennemy pourras entrer du dehors, du pied gauche, en couvrant ton espee avec son pougnart, & pourroit ainsi avoir la commodité de te fraper, mais si tu as l’intelligence de ceste art, lors que ton ennemy passe de son pied gauche, tu esquiveras du corps, & leveras le bras en la pre-
