<seciton begin="1"/>also mit geschrenckten henden von deiner rechten gegen deiner lincken sein schwert auß, oder schrenck ihm uber sein beid arm, helt er wider das du nicht ausreissen noch uberschrencken kanst, so laß unden durch lauffen mit dem knopf, und greif ihm uber sein rechten arm, treib die ringen gegen ihm.<seciton end="1"/>
<seciton begin="2"/>Vom durchwechslen
Durchwechslen gehort uff die so also mit schiller oder krumphewen fechten das merck also, reckt er sein hend nit lang von ihm in seinen hewen, sonder beheldt die in fechten nah bey sich, dem magstu frolich durchwechslen in der weitte.<seciton end="2"/>
<seciton begin="3"/>Item ficht er auß dem winden verkeren, krumphew, schilhewen, und was der stuck mehr sein, damit er sein schwerdt verkurtzt, oder nit lang von sich khan fechten, wie es dan in solchen stucken geschicht, denen soltu auch durchwechslen (ehe dan sie ihr stuck zum halben end bringen) zur andern seitten welche er mit solchem verkurtzen blöst, damit zwingstu ihn zu versetzen und dir das vor zulassen.<seciton end="3"/>
<seciton begin="4"/>Item ob schon einer weit und lang von sich ficht mit langer schneidt, aber doch mehr zu dem schwerdt dan leib, dem soltu durchwechslen zur nechsten bloß und ihn mit sein hewen verfelen lassen. Derhalben so vleiß dich was du fichts es sey mit kurtzer oder langer schneidt das du ihm furnemlich zur bloß das ist leib hawest, und ob es schon nit alweg khan sein das du ihm zum leib hawen magst, so soltu doch, so baldt er durchwechslet seinem schwerdt nach zur bloß einfallen. Auch so merck diesse Regel in allen hewen, so du mit der sterck sein kling rirst oder entpfahest in bandt, als bald[1] und gleich mit in dem es noch glitscht soltu zugleich auch mit der schwech (das ist mit dem eyssern theil zum leib oder<seciton end="4"/>
- ↑ The initial letter “b” is written above another letter, maybe a “g”.
