Hie hebt sich nu an das fechten zu Rosse in harnüsche / mit sper vnd swerte etc~
JVng / Ritter lere ·
got lib haben frawen io ere /
So wechst deyn ere ·
übe ritterschaft vnd lere ·
kunst / dy dich ziret ·
vnd in krigen etc~
ut supra In praeambulo etc~
~:DEyn sper berichte ·
kegen reiten mache zu nichte /
Vnd vor an wisse ·
dyn roz das gorte gewisse /
Du salt wol merken ·
dy glefney bederben mit sterke /
Wiltu zu / rynnen ·
zo fasse den zam lang mit synnen /
·Dornoch zo streiche ·
dy glefney zwer öber eyn seite /
So merk dy seiten ·
zo du mit kunst gerest streiten /
Haw dreyn nicht zücke ·
von scheiden / link zu im rücke /
So reit mit synnen ·
zo du abesetzen ruchest gewynnen ·
Wiltu abesetzen ·
vnd brechen / syne kunst do mete letzen /
Dy glefney zu vorne ·
rücke dor vnder vnd nym sy ane zorne /
Hoch an du setze ·
swenke durchfar wiltu in letzen /
Hoch an du setze ·
swenke durchfar wiltu in letzen /
·greif im seyn rechte ·
zo vestu in ane fechten /
·begreif seyn were ·
mit dem ros dich vmbekere /
Och magstu rangen ·
wen du in hast vmbevangen /
Wiltu aber vorflien ·
zo schicke deyn pfert czu vmbeczihen /
Dornoch abesetcze ·
mit winden in sere letcze /
aber schicke dich vmbe ·
daz du sitzt ynder krümbe /
