Aber gar ein gut Ringen wen dw mit aim geleich gefast hast So schlag Im dein hawbt doch dreyst[?]dt auf sein achssell ye von ainer achssel zu der andren so wirt er ir / hastw dan dein Rechten vnter so leg Im zu dem [?] dein hawbt auf sein lincke achssell vnd In dem legen so greiff Im euchwentiss mit deym obern lincken arm zwischenn deim koppf vnd seim kopff vmb sein hals vnd fass Im den kopff vnter dein lincks vchssen vnd truck vast zw / vnd sper dich vnten mit den fussen fast her dan so felt er get dir das aber nit vnd zuckt er dir den kopff wen dw darnach greifst so trit zu in dem Zucken / vnd greiff mit deim vntren rechten arm vnt[er] sein vchssen auf hinten vber sein lincke achssell vnd setz Im den arm an den hals vnd In dem setzen so greiff vor dir nider euchwentiss mit deinem obern lincken arm hinten in sein lincke kniepüeg vnd heb Im das pain auf vnd prich In mit dem vorgenant[e]n arm oben bey dem hals nider vnd wurff In
EIn ander gut ringen wen dw zu ainem laufst so gedenck vnd ergreiff Im sein recht[e]n arm bey d[er] handt mit deiner lincken handt / vnd ker dich Reschlich vmb vnd In dem vmbkern So zuck Im reschlich sein recht[e]n arm mit deiner lincken handt vber dein rechte achssel vnd puck dich vast vnd mach dich vast vnter In vnd heb In auf mit dem rucken so mus er fallen vber den rucken / oder der arm zwprech[e]n / vnd wurff In auch vber den rucken. das er vor dir lig
- EIn ander ringen wen dw zw aim lauffest so gedenck / ob dw In ergreiffen mugst mit euchem arm den hals / vnd mit dem andren arm bey dem pain / vnd heb Im das pain auf / vnd peug In oben vast nider / das Im die füss als hoch ligen als der koppf / vnd lauff dan mit Im vmb vnd leg In nider als dw woll waist
