Hie hebt sich an die vorrede de selbenn neuenn zetelnn,
Wer ehr will erwerben,
vor fürsen und vor hernn,
Im fechten mit dme schwert,
das ist gut und gerecht.
Der volg meiner lehr,
der gesiget immermehr.
Die sechs geng halt in hut,
die sind gar preislich gut.
In den wol begriffen ist,
vil manches guten meisters list.
Aus Ungernn, Boham, aus Italia,
aus frankreich Engellandt, und Alimania,
aus Reussen Preussen Graecia,
Holland, Prabandt, und aus Suvenia.
In den soltu treten lenck,
der Verfürung dabey gedenck,
In Stich starck dring,
So mag dir wol gelingen, Sichstu das fenster offen stan,
Siehe hinein gehe darvon,
Schlag oder stich schnel,
so magstu hartt gefel.
In der arbeit umbdrit,
das Egevert mach mitt.
Wiltu sie nue heben an,
ein starchen mut mustu han.
Rechte vernunft ist auch gut,
vor grossen zorn dich behut.
Zu solcher versatzung in do bring,
darduch dir wol mag geling
In al dein fechten biß[t] behend,
die vorred hat hie ein endt.
Der erst ganng hat funf stuck.
Schnel die schwech zum rechten,
durchwind im fechtenn.
Den schneller damit mach,
zu baider seitten zwifach.
Jenser schilt starck verwind,
den pogen stoß schlag geschwindt
In aller arbeit umbdrit,
den rechten pogen stoß mit.
