vber sein lincken vber das gelenck des elpogens vnd chüm mit der lincken hant dein° rechten zu° hilff vnd druck mit paiden henden vnder sich vnd spring mit dem rechten fuess für sein lincken vnd wendt dich von ÿm auf dein lincke seitten vnd wurff in vber dein lincke hüff ~
Aber ein ringen
Merck feltt er dir mit paiden henden in die arm~ vnd dw Im wider Slecht er dir denn mit seinem lincken arm~ auff deinen rechten vnd vert dir mit dem lincken vnder deinem rechten durch hinden vmb den leib So slach mit dem rechten arm~ starck von oben nÿder yn aus wendig In das gelenck seines lincken elpogen vnd schreit mit dem rechten fuess für sein lincken vnd wendt dich von ÿm vnd schlëwder In auff dein lincke seitten ~
Ein ringen vnd ein mort stos
·M·erck wenn dw ÿn hast gefast pey den armen vnd er dich wider hat er denn ein fues vor gesetzt vnd helt den gestrackt So stos ÿm mit einem fuess auf das selbig knÿe Oder stos ÿn zw den hoden vnd wart das er dir den selbigen fues nicht begreiff do dw ÿm mit zu° stöst Oder wenn dw einen fues vor setzt So
