Die [E?]ron das abnymbt,
schneid durch die [E?]ron,
so prichstu si gar schon,
die straich drucke,
mit schneiden si abzuckhe,
Die vier leger
Vier Leger allein,
davon halt vnd fleuch die gemain,
ochs pflug alber,
vom tag sein dir nicht vnmer,
Die vier versecz(en)
Vier sind verseczen,
die di leger auch seer Leczen,
vor versecz(en) Huet dich,
geschicht das auch seer Nücz dicht,
ob dir verseczt ist,
vnd wie das dar kumen ist,
Hör was jch dir Rate
streich ab Haw [sc]hnel mit drate,
secz an vier enden,
bleib darauff ´lere wiltu enden,
Von Nachraisen,
Nachraisen Leere,
zwifach oder, schneid Jnn die wehre,
zway außre nyme,
der arbait darnach beginne,
vnd pruff die gefertte,
ob si waich sind oder herte,
das [fe?]llen Leere,
Jnndas wort findet seere,
Nachraysen zwifach,
Trifft man den alten schnit mit mache
Von vberlauffen,
Wer vnnden remet
vberlauffen den der wirt beschemet,
wen es gliczt oben,
so truckst das gerich loben
dein arbait schwache,
oder hört druckh zwifache
