Aber ein ringen
| Wenn du vnden pist mit den armen | So magstu in oben fassen pey der kel | oder peÿ den kinpacken | vnd ÿm den hals wol vber den ruck prechen | oder du müest wol mit deinen armen durch sein arm~ farñ ~
Aber ein ringen
| Pistu mit dem lincken arm~ vnden | so fal ÿm mit dem rechten in die kel | vnd schreit mit dem lincken fuess hinder sein rechten vñ druck in peÿ dem hals dar vber ~
| Item würf in aus dem fuess zu° paidñ seittñ
Aber ein ringen
| Wenn du eine~ mit paiden armen durch sein arm~ gefarñ pist | vñ ist er also gering das du in wol erhebñ magst so fass in in der mitt | vnd schleus dein hend fast zu same~ vñ heb in auf dein lincke seittñ | vnd drä dich mit ÿm vmb | vnd weñ du dich mit im eins vmb gedrät hast so stos in nÿder auf die knÿe | vnd prich ÿm den ruck zu dir ~
Also prich das
| Wenn dich einer zu° Im druckt so setz ÿm den elpogen an die kel | oder an die prust | vnd druck In von dir zabe | vnd das dein lincker fues zu° ruck stee ~
Aber ein ringen
| Item wenn dir ein° mit seine~ haubt durch den arm~ farñ wil | vnd wil dich vber sein ruck werffen fach in mit dem selbigen arm~ peÿ dem hals | vnd druck in fast zw° dir
