Is ist nicht rechte kuenheit
zonder eyn grosse narheit
der vier ader sechse will bestan
wirt im icht / daz mus h° im han
zam hers im gekawfet hette
Is wer vil besser in eynem bette
dy weile gesucht vnd gelegen
den sülcher grosser torheit pflegen
¶ Is ku~pt ofte das eyn man
vier ader sechze mus bestan
Tut heñe witzicleich
Tut/her deñe ritterlich
ader kpt/von in witczicleich
der mag wol alle mal bestan
Recht vor eynen künen man
¶ Doch horet alle / offenbar
genczlich an alle var
ffridank der kluge man
Spricht das an allen wan
der ist genant eyn küner man
der synen gleich tar bestan
den wil ich preisen an aller stat
Ritterlich ane missetat
von türsten vnd von ku~heit frey
das her eyn rechter degen sey
¶ Den dritten rat wil ich dir gebñ
den saltu vom mir of nemen
du salt nicht dorvem lerne~ fechte~
das du eyme czu vnrechte /
mit dyner ku~st wölst öberlegen
In sülcher weize saltu nicht pflegen
